الحلبة الفلسطيني
بننقع ثلاث معالق كبار حلبة بماء فاتر ليلة كاملة وبنبدل الماي عنو مرتين.
بعد النقع بنغلي الحلبة مع ثلاث كاسات ماء بس تغلي بنوطي الغاز ع الاخر وبنتركهم ثلث ساعة يغلو بعدها بنصفي حبوب الحلبة وبنحتفظ بماء الحلبة.
بصحن غميق بنحط كاستين ونص سميد ناعم (لا خشن ولا فرخة) بنحط عليه ربع كوب زيت نباتي دافي وربع كوب زيت زيتون دافي وبنبسهم خمس دقايق بعدها بنضيف نصف كوب طحين وبنبسهم بعدها بنضيف (معلقة كبيرة حبة البركة، معلقة كبيرة سمسم ، الحلبة ، معلقة صغيرة ملح، معلقة صغيرة خميرة فورية ونص معلقة صغيرة باكينغ باودر) بنحركهم منيح بعدها بنضيف بالتدريج ربع كوب من ماء الحلبة اللي صفيناه مسبقا (تكون دافية) انا احتاجت معي نصف كوب ممكن اكثر او اقل حسب نوع السميد.
مهم جدا نختار الصينية المناسبة كحجم للحلبة لانو حنحتاج تكون بقطر لا يتجاوز ١ سم انا استخدمت صينية دائرية قطرها ( ٣٢ سم) وبنترك الصينية بعد التقطيع ترتاح ربع ساعة.
بنفرها بالصينية المدهونة زيت وبنقطعها وبندخلهم بفرن محمى مسبقا ع حرارة ١٨٠ من ٢٠-٢٥ دقيقة حتى تشقر الاطراف بنحمرها من فوق وبنسقيها بقطر يكون بحرارة الغرفة.
القطر : ثلاث كاسات كبيرة سكر مع كاستين ماء وعصرة ليمون ووقت يغلي بنضيف معلقة كبيرة زبدة.
إرسال تعليق