عجينة طرية للمعجنات والبيتزا
بنحط معلقة كبيرة خميرة بكاسة ماء دافية لتتفاعل الخميرة ، بوعاء العجن او وعاء غميق بنحط ثلاث كاسات طحين (انا حطيت كوبين ابيض وكوب اسمر) وخمس معالق كبيرة حليب بودرة وبكيت دريم ويب (بهالوصفة هو بديل السكر بامكانكم تستغنوا عنو وتستبدلوا بمعلقة كبيرة سكر تذوبوها مع الخميرة) ورشة ملح ومعلقة صغيرة باكينغ باودر بنخلطهم بعدها بنضيف ربع كوب زيت نباتي بعدها الماء مع الخميرة واخر شي بنضيفو ان احتاجت سوائل زيادة ربع كوب حليب سائل اكثر او اقل شوي حسب حاجة العجين بنتركها تخمر بعدها بنوخد قطع متساوية وبنحشيها حسب الرغبة وبنصفهم بصينية صغيرة مدهونة وبنغطيها وبنتركها ترتاح ربع ساعة وبعدها بندهن الوجه بصفار بيض وشوية حليب وفانيلا وبنرش ع الوجه النكهات المفضلة وبندخلها فرن محمى مسبقا عحرارة ٢٠٠ وبالعافية وبالعافية .
إرسال تعليق